NY BLOGG NY BLOGG NY BLOGG

http://cirklecat.blogspot.com/

http://cirklecat.blogspot.com/

http://cirklecat.blogspot.com/

http://cirklecat.blogspot.com/

http://cirklecat.blogspot.com/

http://cirklecat.blogspot.com/

http://cirklecat.blogspot.com/

http://cirklecat.blogspot.com/

http://cirklecat.blogspot.com/

http://cirklecat.blogspot.com/

http://cirklecat.blogspot.com/

 

Utfordring

Eg var å snoka på bloggar i dag, og kom innom denne bloggen, der eg ble utfordra til ei oppgåve som består av å skrive sju sanningar om seg sjølv som ein ikkje trur blogglesarane veit.

1. Eg er vegetarianar, og likar verkeleg ikkje kjøt.
- Kjøt er ekkelt. Eg blir faktisk kvalm av det. Det er heilt utenkeleg for meg å kunna ete kjøt, eg nestan grøssar ved tanken. Ikkje berre grunna det faktum at dyr har lidd for å bli mat, som me faktisk ikkje treng, men og fordi eg ikkje greier smaken. Råttent treverk. Som å ete plankar som har vore utsett for store mengdar regn, for så å tørke halveigs, og har fått sånne ekle blågrå prikkar. For ordens skuld et eg heller ikkje fisk, dersom nokon lurer på det.

2. Eg har aldri likt majones, før omlag eit halvt år sidan.
- Eg oppdaga majones ved ein tilfeldigheit. Eg kjøpte mat på Big Bite, og ho som skulle smøre på misforsto meg, og trudde eg sa at eg ville ha med majones, og ikkje utan. Eg åt det uansett, fordi eg var forferdeleg svolten, og det ble som ein slags matrevolusjon for meg.

3. Eg er livredd for haiar.
- Det høyres kanskje ikkje så spesielt ut, men det er slik at eg kan heilt plutseleg få panikk når eg badar. Det har ingenting å seie om det er i ferskvatn eller i eit badebasseng for den del, eg får annfall. Eg veit ikkje kvifor, men det har vore slik sidan eg såg Titanic. Noko som er merkeleg, i og med at det ikkje er haiar med i den filmen.

4. Eg var allergisk mot ketchup før.
- Når eg var liten kasta eg opp kvar gong eg åt ketchup. Det er ganske ekkelt å tenke på, fordi eg framleis hugsar korleis det var. Sjå for deg at du kastar opp raud væske som smakar ein blanding mellom den vanlege oppkastsmaken og råtne tomatar.

5. Eg elskar språk.
- Eg kosar meg verkeleg med rettskrivingsoppgåver, stiloppgåver og dei fleste oppgåver som innebærer skriving. Eg tykkjer rettskriving er flott! Eg kosar meg med å rette nynorskoppgåver, og er ein av dei få (?) personane som faktisk likar å ha både sidemål og hovudmål.

6. Eg får alt for lite søvn.
- Eg får rett og slett ikkje sove. Ofte ligg eg våken i fleire timar før eg sovner. Noko som Ole får annfall av, i og med at eg pleier å plage han når eg søv med han. Eg har blitt flinkare til å ikkje plage i det siste, då. Men det er likevel søtt når han snakkar i søvne om å stenge dører og orkanar.

7. Eg er medlem av Raud ungdom, Natur og ungdom, Dyrevernalliansen, Norsk målungdom, SOS rasisme og Ungdom mot EU.
- Det er likevel berre Raud Ungdom eg har tid til å vera aktiv i. Skulle gjerne vore aktiv i dei andre organisasjonane og, men for no får det nøye seg med RU.

Eg utfordrer alle som les dette til å ta utfordringa og lage ei slik liste om seg sjølv!

 

:D :D :D :D :D :D

Hvis alle på jorden sluttet å puste i en time, ville ikke drivhuseffekten være noe problem lenger.
- Jerry Adler

Eg stressar. Filmoppgåva og plakaten skal vera inne til torsdag, og eg er ikkje halvferdig enda. Dessutan har eg nazihovudverk, så for å få litt avveksling har eg bestemt meg for å blogge.
I dag fekk me att smussomslaget me laga i media, og eg er veldig fornøgd! Og sidan eg er såpass sjølvgod og duzt skal eg leggje ut karakterane.

KOMMUNIKASJON:
Boka di skaper merksemd. Den kommuniserer også godt ved nærare syn. Ord som har betydning i boka og hovudkarakteren sine tankar og kjensler, som du skriv om. Flott!
Karakter: 6

DESIGN:
Svært godt resultat. Kreativ bruk av typografi der anna fritt element er linjene dine. Enkelt men flott. Dette krevde tid, men saman med god bruk av farge og fargesymbolikk vart resultatet spennande og heilheitleg. Du trekkjer vidare element frå framsida inn i innbrett og bakside på ein god måte. God kontakt mellom alle sidene dine. Du har ein stram komposisjon. Trekk for baksida mot innbretten. Den er litt uferdig.
Karakter: 5/6

Produksjon:
Rapport:
Den kunne ha vore meir oversikteleg og lettlest. Ellers skriv du godt og gjere greie for vala dine på ein svært god måte. Du manglar kompetansemål frå læreplanen, og litt om gridsystemet ditt.
Prosess:
Du har arbeidd godt med ein sikker og målretta haldning til boka, sjølvstendig. Men du kan vera flinkare med å kontakte lærar. Men dette tykkjer eg du er vorten no.
Karakter: 5-

Her er eit bilete av smussomslaget:

Sånn. No er eg ferdig med sjølvskrytinga. Då kan eg gå over til å poste masse random bilete som eigentleg ikkje høyrer heime nokon stadar. Eg er for ein gong skuld sit eg nemleg på skulePCen, og ikkje på min fantastiske MacBook. Og no når eg såg igjennom filane på den fant eg masse teite bilete eg nestan hadde gløymd. Her er eit lite utval:

HAHA! : D Meg og Ingeborg. Om nokon lurer er ikkje dette noko særleg seriøst, men det er likevel det bilete eg har brukt lengst tid på i Photoshop.

Håvard redigerte bilete av meg. Han er nazigod på redigering, forresten! Og om nokon lurer: Håret mitt er faktisk ikkje redigert der. Eg hadde blått hår.

Originalbilete av det ovenfor.

Meg og min far på Kypros sist sumar.

Matias, meg og Tobias. Fantastisk sexy, eg veit.

Eg skal leggje inn fleire bilete snart, når eg orkar. No må eg stresse med å få ferdig filmplakatgreia, sidan eg reiser til Oslo på torsdag.

 

Facebookspam

Eg irriterer meg over Facebook, og lurer igjen på kvifor eg i det heile tatt bruker det. Det er jo faktisk ganske keisamt. I tillegg til å vera hovudkvarteret for spam, har det no byrja ei anna greie mellom medlemmane. Dei har no nemleg byrja å sende rundt ein dum melding til kvarandre, for ikkje å bli sletta frå Facebook. Den er slik:

Facebook er for nylig blevet meget overbefolket, Der har været mange medlemmer klager over, at Facebookis stadig meget langsom. Record viser, at grunden er der er for mange ikke-aktive Facebook bruger og på den anden side for mange nye Facebook medlemmer. vi vil sende denne beskeder rundt for at se, om medlemmer er aktive eller ej, Hvis du er aktiv bedes du sende til 15 andre brugere, copy paste for at vise, at du er aktive bruger. Medlemmer der ikke sender denne besked inden for 2 uger, vil brugeren blive slettet uden tøven at skabe mere plads, Hvis Facebook er stadig overbefolkede vi beder om donationer, men indtil da sender denne besked til alle dine venner og vær sikker på at du send denne besked for at vise mig, at Deres aktive og ikke slettet.

Grundlægger af Facebook
Mark Zuckerbe

Okei. For det første. Kvifor i alle dagar skulle grunnleggjaren av Facebook, som er amerikansk, skrive eit dansk brev til alle sine medlemmar? Greitt nok, han kunne fått det oversett til forskjellige språk. Men kvifor skulle han signert brevet med “Mark Zukerbe”, når han heiter Mark Zukerberg? For det andre. Det står i brevet at du kjem til å bli sletta dersom du ikkje sender det til femten forskjellige brukarar for å bevise at du er ein aktiv Facebook-brukar. Korleis skal dei 500 Facebook-ansette greie å sjekke kven, av alle millionar medlemmar, som har vidaresendt brevet og kven som ikkje har det, på to veker? Eg vil dessutan tru at det er ulovleg for dei ansette i Facebook å sjå igjennom privat post i tillegg, så det blir jo eventuelt enda eit problem. Kom igjen, menneske, skjerp dykk.

Om det mot all formodning skulle vise seg at ein faktisk blir sletta frå Facebook dersom ein ikkje vidaresender brevet, ser eg verkeleg fram til det. Det er nemleg slik at det er umogleg å slette seg sjølv derfrå, så om Facebookfolka gjer det for meg, gjer dei meg berre ein tjeneste. Takk.

 

Berre for å ha noko å gjere

Gud er død.
- Friedrich Nietzsche

Eg bør verkeleg sove. Verkeleg. Men likevel har eg ikkje lagt meg. Eg skal difor vera kul og poste bilete frå telefonen min. Enjoy!

Dette var i slutten av august, og me skulle til Osterøy.

Eg og Ole skulle lage taco, men ble distrahert av ein sint paprika som fekk oss til å springe etter kvarandre og rope “ONOES, IZ ANGRY PEPPERRRR!”

Me venta på pizzaen me hadde bestilt i Marken. Verdas beste pizza!

Dette er skulevegen min.

Den søtaste Tobiasen i verda.

Eg fant forresten den teitaste videoen i verda, som eg hugsar att frå Hits for Kids når eg var mindre. <3

 

ID-dag, Disney Chanel og… snø?!

“Hvor skal vi?” spurte Ole Brumm Christoffer Robin.
“Ingen steder!” svarte Christoffer Robin, og så gikk de dit.

I går hadde me internasjonal dag på skulen. Ganske interessant at den internasjonale dagen er på forskjellige dagar på forskjellige skular. Eh. Uansett, det var ganske koseleg! Me såg ein film om kva prosjekt OD støtter i år, og den var kjempeflott! Verkeleg fantastisk. Resten av dagen gjekk heilt greitt, OD-kommiteen var veldig flinke til tross for at alt ikkje gjekk som planlagt. Eg og Ole var flinke og var der heile dagen, i motsetjing til ein god del andre, i og med at det berre var omtrent femten personar att når dei skulle skrive fråvær. Ein vellukka ID-dag indeed!

På torsdag er det operasjon dagsverk, og då skal eg og Ole jobbe heime hos meg. Me skal rydde, vaske og støvsuge rommet mitt, støvsuge gangen, kjøkkenet og stova, setje inn ein ny TV-benk på rommet mitt, ooog pakke saman trampolina som står i hagen. Det kan jo bli gøy. Sjølv å rydde er gøy saman med Ole! : D Eller. I alle fall litt.

Eg driv å ser på Disney Chanel heile tida no etter eg fekk sånn der fancy boks til tven min. Det er kjempeflott! Det er litt flaut, men eg tykkjer Hannah Montana er fantastisk! Det er så gøy. Knis. Dessutan speler Disney Chanel musikkvideoen til ein Jonas Brothers-sang, og eg går rundt å syng på den heile tida, fordi eg får den på hjernen kvar gong eg ser på tv. Haha. Musikkvideoen er ganske søt, då.

I går byrja det å snø. SNØ. I oktober. Er det mogleg? Eg forsto ingenting. I tillegg satt eg på med min far til skulen, og når me kom til Trengreid hadde snøen lagt seg sånn fint på trea, og eg kom faktisk litt i jolestemning. Det er teit, i og med at det er i underkant av to månadar til jul. Dessutan feirer eg ikkje jul, så eg treng eigentleg ikkje å kome i julestemning. Eg irriterer meg over hykleriske Noreg, som er så imot amerikansk kommersialisme i form av Halloween, men likevel byrjar å selgje julebrus og julemarsipan i midten av oktober. Kvar er logikken i det?

Eg har blitt utfordra til å svare på ein sånn slags sær spørjegreie, så den skal eg poste her:
1. Hva vil du bli?
Eg veit ikkje. Har faktisk ikkje ein einaste anelse.
2. Hvordan ser en hverdag ut for deg?
Stå opp litt for seint, finne ut kva klede eg skal ha på meg, drikke litt vatn, springe til bussen, ta bussen til skulen, vera med Ole litt før skulen byrjar, vera på skulen til tre, halv to eller ti på halv tolv alt ettersom, ta bussen heim, ete, sjå på Disney Chanel (høhø) og diverse anna, fram til eg legg meg.
3. Hva ville du tatt med deg til en øde øy?
Svær båt til å køyre tilbake med.
4. Er du lykkelig nå, og hvorfor/hvorfor ikke?
Eg er ganske så lukkeleg! : D Eg har ein flott kjærast, fine venar, og alt mogleg anna bra!
5. Hva vil du oppnå i livet?
Haha, flashback frå ID. Hm, veit ikkje. Det endrar seg ganske ofte.
6. Hva er favorittplagget ditt?
Star Wars-skjorta mi.
7. Hva heter favorittboka di?
Kompani Orheim av Tore Renberg og Robinson Cruoise av Daniel Defoe.
8. Hvilke land har du vært i bortsett fra Norge?
Sverige, Danmark, Tyrkia, Spania, Hellas, Tyskland, Polen… ja.
9.Hva er din absolutte favorittblogg?
Veit ikkje heilt.
10. Hvor mange kontakter har du på msn?
Har ikkje peiling.

Eg utfordrar alle som les dette til å svare på det på sin blogg!

 

Kjærleik, fjas og film

Kjærligheten er, når jeg ser bort på divanen og oppdager at han fremdeles etter seksten år ligger der.
- Suzanne Brøgger

Eg har hatt ein fantastisk fin dag. No kom eg på at eg er kjempedårleg på å blogge, så eg skal prøve å skjerpe meg, og skrive fleire innlegg! Hurra for meg. Eg kan jo kanskje byrja med å fortelje litt om dagen min. Me har filmprosjekt på skulen, så i dag gjekk eg og ei i klassen min for å sjå etter kostymer til vår film. Det fant me ganske raskt, og gjekk deretter på Outland for å kaste vekk tid og pengar. Eg kjøpte ei flott skjorte, som eg skal poste bilete av lenger nede. Den er ganske fantastisk, med “the cake is a lie” på. Altså, frå speler Portal. The cake is a lie. <3

Etterpå møtte eg Ole, og me gjekk for å kjøpe oss kakao. På vegen dit kom ei vatndame bort til meg og spurte om eg ville teste vatn. Det ville eg jo sjølvsagt, sidan eg er ein stor vatnentusiast. Eller noko. Uansett, så fekk eg smake på tre forskjellige vatntyper med smak. Dei smakte ganske ekkelt, i alle fall den siste. Den smakte kanel. Eg fekk eit flaxlodd av dama, og så vandra me vidare på evig jakt etter kakao og kaffi. Me fant kakao på narvesen, og Ole er så kul at han har sånn der gratiskortgreier, så eg fekk gratis. Det var ganske skummelt, for når eg trykka på den knappen slik at det kjem kakao ut laga den ein kjemperar og høg lyd som gjor at eg kvakk skikkelig og skreik høgt. Og hoppa. Likevel var det meg alle såg rart på, og ikkje maskina. Kanskje det er normalt at dei lagar slike lydar? Hm.

Så gjekk me opp på Apollon for å kjøpe billetter til Gatas Parlament-konserten på fredag. EG SKAL PÅ GATAS PÅ FREDAG, FORRESTEN! Deretter gjekk me i Marken for å kjøpe verdas beste veggispizza, med verdas beste kvitlauksdressing på, og sette oss på togstasjonen for å ete. Då møtte me Sol, og sidan me er så fantastisk flinke og greie gav me ho litt pizza. Det var koseleg, me satt å snakka litt, før ho vandra vidare på sin ferd til skulen. HEHE, HO BYRJA SEINT PÅ SKULEN OG ER IKKJE HEIME FØR FEM, LOL LOL LOL. Ehe. Eg og Ole gjekk bort på storsenteret og venta på bussen, og når den kom sette me oss på den. Eg føler forresten at eg skriv ganske så openbare ting i denne bloggen nokre gonger. UANSETT. Me fekk den til å stoppe utanfor huset mitt, slik at me slapp å gå. Snille bussmannen.

Når me kom opp til meg fortsette me planlegginga av Vaksdal Raud Ungdoms første offisielle møte, som skal skje i morgon. Me ringte å plaga folk, ringte skulen for å plage dei litt, og så gjekk me over til å berre plage kvarandre. Me såg Home and Away og slike flotte ting, og kosa oss skikkelig, før han reiste heim i åttetida. Då reiste eg inn til Line, og me såg Prison Break, noko eg faktisk aldri har sett på før i dag. Michael var faktisk så snill at han lånte meg Prison Break sesong 1, og den skal eg byrja å sjå på. Tusen takk, Michael. Det var kjempekoseleg å sjå Line att, eg har sakna ho skikkelig! <3

No skal eg vera kul og poste bilete.

Meg og Håvard sumaren totusenogsju. Aw

Hjelp. Bilete ble snudd feil veg. Om du har problemar med å sjå kan du snu dataen din. Eller noko slikt. Synd for deg om du har stasjonær pc, i så fall.

CD-stasjonar som hopper ut er ein god grunn til å skaffe seg mac. LOL OLE DUZT N00B.

 

NorgesPatriotene

FØRST AV ALT:
Hahahahahahahahaha. Haha. Hahahaha. HAHAHA. HA.
Halvparten av meg ler seg ihel, og er overbevist over at NorgesPatriotene er ein veldig useriøs spøk som nokon kom på i fylla (noko heimesida deira godt kan tilseie, då den er heilt utruleg dårleg designa), medan resten av meg blir frykteleg provosert og sjokkert over at det er ein mogligheit for at dette faktisk er seriøst. Sitata nedanfor er altså henta frå NorgesPatriotenes heimeside.

“Spesielt kritisk er vi til den muslimske innvandringen. Vi anerkjenner ikke islam som religion, men ser på islam som en politisk ideologi som har som uttalt formål å få verdensherredømme.”

“Vi trenger tips om all landssvikeraktivitet i Norge. Har du sett kommunisttagging der du bor? Kjenner du noen som har blitt med i SOS Rasisme eller andre landsforræderriske grupper? Har du kjennskap til arrangementer der mindreårige gutter og jenter blir skjenket fulle og misbrukt? Har du kjennskap til annen ulovlig aktivitet knyttet til disse organisasjonene?”

“Men det er kanskje akkurat det SOS Rasisme ønsker, et samfunn der vold, narkotika, organisert kriminalitet, menneskehandel og utnytting av barn florerer? Vel og merke så lenge det er hvite, etniske nordmenn som er ofrene… “

“Ordfører Sørensen synes det er helt greit at Byhallen brukes som bønnehall for muslimer, han synes også det er helt greit at Byhallen brukes til å hjernevaske innbyggerne i Kristiansand ved at imamen får spre sitt forpestede budskap i Byhallen. Hver eneste uke får muslimene også lov til å bruke byens bibliotek for å kapre flere tilhengere.”

“Som man vet fra 2. verdenskrig gikk nazisme og islam sammen som hånd i hanske.”

Dette er jo faktisk berre trist. Dei kan då ikkje vera seriøse? Okei. Dei er rasistiske i vedtektane sine, dei er rasistiske i partiprogrammet sitt, dei er rasistiske på “humorsida” si, dei er rasistiske på forsida…. Kort og greitt er det rasistiske i seg sjølv. Dei trakkaserer, diskriminerer, krenker og mobber over heile heimesida si. Ja, me har ytringsfridom i Noreg, men det betyr ikkje at det er lov å spamme med rasisme og hat kvar som helst! I følgje norske lovar har alle lov til å ytre seg om kva dei vil, så lenge det ikkje kan verke krenkande ovenfor enkeltpersonar eller grupper. Er det berre eg som meiner at NorgesPatriotene si heimeside burde vore stengt for lenge sidan?

 

150908

Hei, eg heiter Anja og er atten år.

Dette er ei setning eg frå no av kan seie så mykje eg vil. Eg har i skrivande stund vore atten i ein time og seks minutt. HIPP HIPP HURRA FOR MEG!

Eg må og få gratulere Olaf med dagen, sidan han har bursdag same sag som meg. HURRA!

 

Evig.

Lik meg når jeg er teit
ikke bare
når jeg åpner verandadøra
og viser deg bilder av meg sjæl
i heldige øyeblikk

Lik meg når jeg er teit
så skal du få være med
opp på rommet, og så
skal vi bare sitte
å kjede oss.
Og hvis det kommer noen
og jeg tilfeldigvis
er litt johann
og kanskje bommer litt på humor’n
så skal du like meg for det!
Da skal jeg begynne å prate
om kjærlighet.

- Henrik Mestad

Ole likar meg når eg er teit, for Ole er min kjærast og min beste ven, og den eg set mest pris på i heile verda. Ole er tryggleik, kjærleik, vennskap, latter, sumar, smil, kino, star wars, kakao, krem, bølgjer, julebrus og varme. Ole er alt. Eg elskar deg.